البشرة فى فصل الشتاء، لا تتشابه مشكلات الجلد عن باقى فصول العام، فبعض البنات تتوهج بشرتهن باللون الوردى ، في حين يكون السبب البرد لأخريات فى جفاف الجلد والأيدى والقدمين، الأمر الذي يفتقر عناية خاصة بها، وتقدم خبيرة التجميل “دعاء سليمان” مشاكل وحلول لتنجى ببشرتك من ذلك الوقت العسير، وتتمتعى بشتاء بدون مشكلات:
جفاف -وبهتان – خطوط رفيعة -وتجاعيد -شحوب -قشور -غمقان واسمرار – مسام واسعه
طبعا بما أننا داخلين على فصل الشتاء مشاكل البشرة بتظهر اكتر وخصوصا الجفاف والقشور وبالتالى بتبان الخطوط والتجاعيد اكتر
إلا إذا عرفنا نوع بشرتنا كويس استخدمنا المنتجات المناسبه ليها صح
طيب ايه أنواع البشرة ؟
جافه -دهنيه -مختلطه-حساسه -عادية
طيب ايه أنواع المنتجات اللى المفروض استخدمها ؟ فى أنواع كتير جدا وحلول لكل مشكلة والنتيجة بتظهر ب الاستخدام المستمر
و فى أنواع كتير لمعالجة مشاكل البشره زى :
- فيتامين سى
- الكولاجين
- الهيالورونيك أسيد
- الكافيار
- السيراميد
- خلاصة الذهب واللؤلؤ
- احماض الفواكه aha
- الزيوت العضويه الخاصه بالبشره
من أهم الأنواع فيتامين البشرة فى فصل الشتاء
فيتامين سى مسئول عن تجديد خلايا البشرة وبما أن الخلايا بتجدد فبالتالى الكولاجين بيزيد وكمان مهمته مع الاستخدام تقشير
البشرة وازالة التصبغات وأثار الحبوب وكل ده بيساعد على تفتيح البشرة
كمان مع الاستخدام المستمر بيقلل ظهور المسام الواسعة
طبعا أنواع فيتامين سى كتير وكمان نسب السيروم مختلفه ممكن تكون 8 % أو 10% أو 20%
على حسب ما مكتوب على العبوه وكمان على حسب نوع بشرتك ومشاكلها
فيتامين سى متوفر عن طريق سيروم للبشره يستخدم مساء فقط ومهم جدا ترطيب البشره فى الصباح
ممنوع تماما استخدامه في الصباح والتعرض للشمس وإذا لزم الأمر يجب وضع صن بلوك معامل 50
ومتوفر أيضا فى كريمات وغسولات للبشره وتونر وسكرب وكمان كبسولات للبشره